Shillong: Ka esikai ya kiwa e dawai kynbat hapoh ka jylla da sdang ko ynne ka sngi ha U Soso Tham Auditorium, Shillong heiwa da saam ya ki tiar ki tar cha ki ha ka yalang wa pynman heiwa u montri ka chnat i chait i khiah ka jylla, u AL Hek da man u kam u kongsan hei emlang u Pravin Bakshi, Secretary to the Government of Meghalaya, kani ka chnat wa u Director AYUSH, u CV Diengdoh, Joint Secretary, Planning and Member Secretary, Bio Resources Development Centre (BDRC), Dr. D. Roy, Adviser, Quality Council of India (QCI), New Delhi, Prof. D Khating, Vice Chancellor, North East Christian University, ki heh na ka NEIAH, MLCU, NEHU wa kiwi kiwi.
Ya kani ka esikai da pynman da ka Bio-Resources Development Centre, Government of Meghalaya hapoh ka project – Support to the Traditional Healers for Strengthening and Capacity Building wei da kyrchaan poisa da ka Ministry of Tribal Affairs, Government of India hapoh ka Article 275(1).
U Hek hawa e i klam da ong u wa kam kani ka programme da pynman toh hajrong ka yurim ya kiwa e dawai kynbat wow pynemkaam ki ya ka stat yong ka juk science kawa katni, khnang wow ye bha ki wow yoh myntoi na kani ka jait kreh.
Da ong u leh wa emkaam wow pynman ya ka yaphyllu yumut hapyrdi kiwa edawai khnang wow ye leh wow kyntu kynrong ya ka kaam uiñke suwari hapoh jylla.
Heijooh i por da ong u wa kiwa edawai kynbat emkaam ki chiboon i yarap na ka sorkar pyrdi kamjooh ka sorkar jylla khamtam wow pynman ya ki esikai wa ha rukom.
U Dr. D Roy da pyntip u wa ka QCI toh ka chnat wa sdang da ka sorkar pyrdi hapoh ka Ministry of Commerce wow pait wei wow pynjanai ya ki kaam wa leh ki bru ha kiwa boon bynta wei wa ka NEHU da yohbor ko wow esikai wei wow e certificate cha kiwa e dawai kynbat hapoh ka jylla waroh kawi.
Kiwi kiwa da klam ha kani ka sngi toh u CVD Diengdoh, u Pravin Bakshi wa u Prof. D Khating.
Ha kani ka sngi da saam leh ya ki tiar ki tar cha kiwa e dawai kynbat wow ye ki u pynemkaam heipor wa e dawai ki.
Discussion about this post