Khliehriat: Ynne ka sngi da pynman ya ka Mega Camp heiwa da saam ya ki tiar cha ki bru samen kiwa da heh rta kiwa wan na ki manyung wa dooh, yeini da pynman ha ka yalang wa pynman ha Khliehriat Higher Secondary School, East Jaiñtia Hills District.
U kongsan ha kani ka sngi toh u Krishan Pal Gurjar, uwa man leh kam u montri ka sorkar pyrdi uwa pait ya ka Social Justice and Empowerment, hei emlang u Shitlang Pale uwa man kam u Co-Chairman ka Meghalaya State Planning Board wa kiwi kiwi. Ya kani ka Camp da pynman da ka Artificial Limbs Manufacturing Corporation of India, kawa man kawi na ki PSU hapoh ka Ministry Social Justice & Empowerment hei yakrehlang wa ki bor ka District.
U Gurjar hei klam da ong u wa kamwa 795 ngut kiwa yoh myntoi da yoh ki 7765 tylli ki tiar na Saipung Block wa na Wapung Block ya kiwa da jied da ka ALIMCO ha u Naisaphra uni u snem hapoh ka “RASHTRIYA VAYOSHRI YOJANA”.
Da ong u wa hapoh kani ka scheme da saam ya ki tiar ki wow yoh yarap ki bru kiwa da heh i rta wei lyngba kani ka scheme daw yoh yarap hapoh ka ri daw yoh yarap hadooh kamwa 5,20,000 ngut kiwa da heh rta hapoh ki 3 snem.
Heijooh i por katkam ka Census 2011, ki bru kiwa da heh i rta da em ki hadooh 10.38 klur wei hadooh 70% na ki toh kiwa im cha ki thaiñ nongkyndong 5.2% na ki em i jait chitom ki neidaw i rta.
Kiwi kiwa da klam ha kani ka sngi toh u S. Pale, Co-Chairman, Meghalaya State Planning Board, Govt. of Meghalaya, ka C. Kharkongor, Commissioner for People with Disabilities wa ka R.S. Manner, ADC, East Jaiñtia Hills District katwa u R. Mathore, DGM, ALIMCO da e u ya ki kyntien e khublei.
Discussion about this post