Ka Composite Regional Centre for Skill Development, Rehabilitation and Empowerment of Persons with Disabilities, CRC Shillong ynne ka sngi da pynman ko ya ka TLM Kit Distribution Camp ha Khliehriat East Community Hall, East Jaiñtia Hills District, Khliehriat heiwa u Abhilash Baranwal, Deputy Commissioner, East Jaiñtia Hills District da man u kam u kongsan hei emlang u Ram Shakal Sahani, Officer In-charge, CRC Shillong, ka R. Passah, District Social Welfare Officer wa kiwi kiwi.
U Abhilash Baranwal, hawa e yei klam da ong u wa ka imlang sahlang da bichaar ya ka heiwa kammon leh ko ya kiwa tymbuiñ duna. Da ong u wa ki bru kiwa em i duna ha i doh i pran emkaam bha wow kyrchaan ya ki neibhah wa ki leh em ki jar jiar i sap.
Da e khublei u leh ya ka District Social Welfare Officer wa ka Composite Regional Centre (CRC) Shillong wa da chimkhia ki wow pynman ya kani ka yalang wa kyrpang deiwa kyntu leh ya ki wow pynman chooh ya kam kini ki jait ha ki por wow wan neibynta ki bru wa duna ha i doh i pran.
U Ram Shakal Sahani, Officer In-charge, CRC Shillong da ong u wa ka Composite Regional Centre kynthup ko ya ka Special Education Department, Clinical Psychology Department, Physiotherapy Department, Training and Mobility, Counseling, Vocational Training wa kiwi kiwi heiwa ki bru wa em i duna ye ki wow wan cha ka yung krehkaam ka CRC wow thap pyrtuid khnang wow ye ki wow yoh myntoi khlem su iwon iwon leh.
Ha kani ka sngi da saam leh ya ki tiar Teaching Learning Material (TLM) cha kiwa yoh myntoi na kani ka laad yarap.
