Jowai: U President ka UDP 4-Mowkaiaw Constituency, West Jaiñtia Hills District, u Eleazer C Dkhar da pyntip u wa heiyatoh wa u khoo na ka MLA Scheme u Nujorki Sungoh da dep e khoo cha waroh ki 51 tylli ki chnong lait na i chnong tre u MLA kawa man ka chnong Mukhap.
Ya uni u khoo da pynpoi ha kani ka tayaw wa dadep cha waroh ki waheh chnong wa kiwa kitkaam chnong ka Constituency.
Ki chnong wa da yoh myntoi toh ka Mulum, Nongkynriah, Laskeiñ, Mowkaiaw, Mowtyrshiah B, Kyrwen, Madanrwan, Iongkiad, Mynksan, Ionglang, Mowshadep Niawkmai, Mowshrot, Sahsniang-A, Sahsniang-B, Thangthring, Iongsaro, Umsalaid, Tum-Tum, Khadkasla, Psiar, Mowluber, Saphai, Iawthymmei, Kyanmynsar, Iapkhla, Priang, Umdeinlin, Saba, Mukroh, Maitdein, Iongkynshur, Barato, Iongkwang, Thangrain, Khliehsniriang, Shiliangmyntang, Thadsning, Bhain, Samatan, Thadialong, Lummuriap, Thadbamon, Sowkhlieh, Musiaw, Umsalang, Latymphu wa Mobondo.
Katwa ha Narkoh, Khonshnong, Lakadong, Pohkseh da e yarap da waroh ar ngut, na u MLA wa u MDC, u WG Sungoh.
Ya uni u khoo da saam cha ki manyung wa emkaam yarap bha ha kam kani ka por wa em ka khang chnong namo ka Lockdown wei da chaniah ha ki Waheh Chnong wow leh yeiwa emkaam, da ong u Eleazer C Dkhar.
Da pyntip u leh wa ya uni u khoo da saam salonsar cha waroh kiwa emkaam yarap.
Discussion about this post