U MLA ka Khliehriat Constituency u Kyrmen Shylla uwa man leh u montri sorkar chirup wa u MDC ka Bataw Lakadong Constituency u Dr. Sanky Shangpung da e sñiawbha ki da u khoo cha ki 374 tylli ki manyung wa dooh wa duk ha chnong Bataw.
U Bhalang Suchiang, Waheh Chnong Bataw hei ya emlang ki kattu katni ngut ki waheh da pynsñiaw ki leh ya i sñiawngooh chiboon ya u MLA u Kyrmen Shylla heijooh i por ya u MDC u Dr. Sanky Shangpung wa da e kyllooid mynsien ki da u khoo kam heini i por wa em ka Lockdown wa waroh ki para chong chnong wym yoh de ki u mih likhih likreh. Ini i e yarap man ko kam wa kyrchaan ya kiwa chong chnong, heijooh i por kam ki paaid chong chnong yong ka Bataw da e ki leh i yaroh ya pyn arngut kiwa mihkhmat yong ka thaaiñ yong ki.
U Waheh Chnong da e u yei klaam hachwa u saam cha kiwa chong chnong deiwa pynsñiaw yei sñiawngooh ya waroh ar kiwa mihkhmat yong ka thaaiñ heijooh i por kyntu u leh wow nang yarap chooh chooh ki ha waroh ki liang khamtam ha i eh i khoo yong ka thaaiñ hi waroh kawi.
Discussion about this post