Jowai: Hadien wa pynlait u MLA ka Jowai ya u khoo cha ki chnong wa em hapoh ka Constituency ynnin ka sngi, ynne ka ka sngi won da saam ya u khoo cha ki manyung wa emkaam yarap hapoh ki ar kyntoit ka chnong Mukhla, West Jaiñtia Hills.
Ya uni u khoo da saam cha ki manyung wa em ha ka dong Mukhla Umlangshor wa ha Mukhla Shohshrieh.
Neiliang kini ki ar kyntoit da ekhublei wei da e ki i sñiawngooh ya u MLA wa da ye u wow yarap ya kiwa chem chitom khamtam ha kini ki por wa em ka Lockdown ha waroh kawi ka ri.
Heijooh i por da e khublei sñiawbha leh ya ki dkhot ka RSS Jaiñtia Hills wa da yarap ki wow pynlai bait ya kiwa yoh yarap deiwa pynyieñ jngai ya ki iwi pa iwi namo ka Social Distancing.
Hapoh Mukhla Shohshrieh ki manyung wa da yoh yarap da em ki kamwa 160 tylli katwa ha Mukhla Umlangshor won da ye u e yarap hadooh kamwa 150 tylli ki manyung.
Discussion about this post