Da sakhi ya ka 50th World Literacy Day

Jowai : Ynne ka sngi da kynmoo warom ya ka World Literary Day ha Yungwalieh ka Tpep-Pale ya kawa da pynman da ka office ka District Mission Coordinator, Sarva Shiksha Abhiyan hei yakrehlang wa ka State Project SEMAM (SSA),Meghalaya, Shillong.

Ha kani ka sngi u Deputy Chief Minster ka jylla u Dr. R.C. Laloo da man u kam u kongsan katwa u D.P. Wallang, Commissioner & Secretary, Education Department and State Mission Director, SEMAM( SSA) da man u kam u symbood kongsan hei emlang u Arunkumar Kembhavi, West Jaiñtia Hills Deputy Commissioner, u Andrew Shullai Deputy CEM JHADC, wa kiwi kiwi.

Hachwa u sdang kani ka yalang da em i lai paidbah ki khynnah skur kamjooh kiwa sikai skur, heiwa ki khynnah da rah ki ya ki placard kiwa da thoh ya ki kyntien wow kyntu kynrong yei stat i tip.

U D.P Wallang, kam u symbood kongsan hei klam yong oo da ong u wa yow kyntu yei stat i tip emkaam ya ka imlang sahlang u yakrehlang ki.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kam u kongsan ha kani ka sngi u Dr. R.C Laloo da e khublei u ya ka District Mission Coordinator District Unit yei kaam wa khroo yong ki.

Chooh chooh da ong u wa ka Literacy Rate hapoh ka West Jaiñtia man ko kawa duna bha hapoh ka jylla kawa poi du 61.64 % donhi wei toh u kynnoh ya waroh. Da kyntu u ya waroh wow yakrehlang wow kyntu kynrong ya i stat i tip kamjooh leh yow booh da ka thong hakhmat.

Ha kani ka yalang da saam leh ya wheelchair, hearing aid cha ki khynnah wa em i duna ha i doh i pran.

Da pynkup burom leh ya kiwa sikai SSA kam u Railingson Dhar na Nongbareh Lyntiar ‘B’ L.P School, ka kong Shonty Shylla na Kharkhana U.P School, ka kong Sngewbiangmon Shadap na Dongpynthorsuwei Umsalait L.P School, ka kong Marka Suchaing, na Maitlein U.P School wa u ma Saaty Giri Dkhar, na Kiang Nangbah L.P School Mukhla wa ka kong Kyrmenlangi Lyngdoh na Ladthadlaboh U.P School.

Yei naam Best Slogan da e cha ka skur St. Micheal and All Angel’s Secondary School, Jowai- kawa da thoh “ Don’t ask the Children to take tool instead send them to school”, yei naam wa ar cha ka  Dongmihsngi SSA L.P Schoo katwa yei naam wa le da e cha ka Thadlaboh U.P SSA School.