Haka sien wa nyngkong, kiwa dang yoh thymme ya u COVID-19 uwa jooh tip leh kam u Coronavirus da boon ki cha baar ka China baar ya kitu kiwa yoh thymme ya uni u khñiang hapoh China, da pyntip ka Word Health Organisation (WHO).
“I ku syndet kiwa yoh ya u COVID-19 kam ha Italy, Iran wah ha Korea da pynkuslai bha ko ya i”, da ong u WHO Director-General u Tedros Adhanom Ghebreyesus ynnin hawa yaklam wa kiwa pathai khubor ha Geneva.
Da ong u wa katni na Iran da poor uni u khñiang cha Bahrain, Iraq, Kuwait wa Oman da poi u leh cha Italy, Algeria, Austria, Croatia, Germany, Spain wa Switzerland.
Da pyntip u leh wa ka WHO deilang waka European Centre for Disease Prevention and Control da poi ki ha Rome yow pait ya ki laad yada wa da pynkrehkaam wei wow e yarap, wei daw lai ki leh cha Iran yow e yarap.
Da ong u leh wa boon ki ri ym bien ki wow khana hok hadooh katwon ngut kiwa chah ktah na u COVID-19 yow tipsap kammon wow e yarap ya ki.
Ka WHO da ong ko wa hadooh ka 25 tarik kiwa yoh thymme ya u COVID-19 da em ki 411 ngut ha China, katwa cha baar China waroh da em ki 427 ngut kiwa dang yoh thymme.
Ha China waroh da kynjoh 80,000 ngut kiwa yoh ya u COVID-19 ka ri wa em 1.4 Billion ngut ki bru wei haka pyrthai waroh kawi da em 2,790 ngut kawa em bru waroh 6.3 Billion.
Hadooh ynnin ka 26 tarik, ka China da pyntip ko wa da em waroh 78,190 kiwa yoh COVID-19 wei da yap 2,718 ngut wei na kini da em du 10 ngut kiwa cha baar ka Hubei Province wa yoh thymme ya uni u khñiang.
Ka WHO da pyntip ki wa i poor uni u khñiang da joor bha i ha ka 23 January hadooh ka 2 February wei da sdang u hiar hadien ini ha China.
Hanla kamtæ leh, ka WHO da ong ko wa ym ye u kheiñstiñ ya kani ka kaam neibhah i rukom man uni u khñiang (Genetic Makeup) dang man i kamjooh wei ym pu em kylla u.
Discussion about this post