Ka Meghalaya Commercial Truck Owners and Association-Jaiñtia Unit (MCTODA-JU) lyngba u General Secretary yong ka, u Shanborlang Suchiang kwah ko u pynsñiaw ha ki tre Truck, kiwa yah Truck, ki Company waphær waphær wa em hapoh ka jylla Meghalaya wa ya waroh ki paidbah wa da sñiawkhia bha ko hajrong i wym yoh yei hok wa biang ha ki kaam kit kaam bah ya ki mar ki mata wa mih napoh ka jylla.
U General Secretary da ong u wa ha ki thaaiñ Khasi wa Jaiñtia duna bha i yoh myntoi ki tre Truck, kiwa kiwa yah Truck na ki Company waphær waphær.
Kamtæ ha ka yalang ha Thadlaskein ha ka 26 tarik u bnai February, 2025, ka seiñ hei yahkhmat u President, u Mosklander Marngar, u General Secretary, u Peter Marbaniang wa kiwi kiwi ki dkhot da sdang ki ya ka chnat krehkaam wa tip kam ka Jaiñtia Unit ka wow yaklam u yasaaid yei hok yong kiwa yah Truck.
Kiwa kitkaam kani ka chnat thymme man ki kamni ha wah:
President: Heibormi Pariat
General Secretary: Shanborlang Suchiang
Assistant Secretary: Robel Pakma
Joint Secretary: Wanshan Laloo
Treasurer: Kerson Suchiang
Finance Secretary: Ialam Dkhar
Neiliang u Heibormi Pariat kam u President ka Jaiñtia Unit da kyntu joor u ya ki tre wa kiwa yah Truck wa em ha kylleiñ ka Ri Jaiñtia wow em i yatylli wa i ksohkti lang wa ka seiñ hei eh i chon deiwa Phone ha kini ki Number 9862266318/8787464347 kiwa man yong u President wa u General Secretary, yow rap suk u wanrah yei hok ki tre wa kiwa yah Truck.
Discussion about this post