Jowai : Ha kani ki tayaw wa da dep da yoo wa da sdang u kreh yow chna thymme ya ki luti lai kjat ha i bynta ka Newhill heiwa da chna thymme ym du ya ka luti lai kjat kamjooh leh ya ki dooid.
Hei yaklam wa u Executive Engineer ka Jowai Central Division, u ma Sainia Kyndiah da ong wa kani man ko kam chibynta i pyrchang ka Ministry of Road Transport and Highway ka sorkar India wow yada ya kiwa lai kjat (Road Safety) deiwa pynthymme ya ki Footpath wa da rim kiwa da jæd da pra kamjooh kiwa da ryngkat i jooh i jrong wa ka sarok wei ya kini daw pynjrong noh ki kamjooh ya kiwa dang biang i jrong da kamwa chi phut.
Yow chna ya kini ki Footpath toh wa sdang nadooh na Laitkor hadooh ha i laad wa mih ka Byepass thymme ha Soomer. Ha ki bynta wa ym emkaam ya ki Footpath daw chna du ya ki Pukka Drain wei kam i bynta ka madan Ladthadlaboh hadooh i bynta i yung mane ka Ladthadlaboh Presbyterian daw chna Footpath pynarliang u sarok wa kamjooh leh ha kiwi ki thaw.
Ya ini i kreh da yoh ka RGS Construction heidor T. 16 klur tam wei da yooluti wow pyndep ya i bynta ka Jowai ha chwa u kut u snem.
Ha kini ki footpath ha chwa u sdang wow kut ki daw chna da ki ramp yow suk kiwa duna i dkhot doh wow ku kamjooh wow hiar ki.
] 
Discussion about this post