Shillong: Da i thong wow pynduna yei yap ki khynnah khamtam neidaw i pynhiar kpoh, da sdang ya ka Intensified Diarrhoea Control Fortnight (IDCF) Ganesh Das Hospital, Shillong, ynne ka sngi heiwa u P. W. Ingty, Additional Chief Secretary, i/c Health and Family Welfare, Government of Meghalaya da man u kam u kongsan hei emlang u P. Bakshi, Secretary, Health and Family Welfare cum Mission Director, NHM, Government of Meghalaya, u L. M. Pdah, Director of Health Services, (MCH&FW) cum Joint Director NHM, Government of Meghalaya wa kiwi kiwi.
Kani ka kaam toh wow esikai ya kiwa kreh sorkar wa kiwi kiwi wow chimkhia ki ya i kaamram yong ki wei wow pynche paidbah ya kani ka kjut deiwa e dawai chirup wa u Oral Rehydration Salt (ORS) Solution wa ki Zinc Tablets.
U P. Ingty da ong u wa 10% na ki khynnah hapoh ka ri yap ki neidaw i pynhiar wei man ko leh i daw wa khroo wa yap ki khynnah hapoh ka jylla Meghalaya. Kamtæ ki sorkar pyrdi wa ki sorkar jylla u kreh ki leh chirup wow pyndoohjait ya i yap neidaw i pynhiar.
U P. Bakshi da pyntip u wa hapoh ka IDCF daw e ya ki dawai Zinc Tablet wa u ORS cha waroh ki manyung kiwa em ki khynnah kiwa hapoh 5 snem i rta. I Rotavirus Vaccine iwa daw wanrah da ka sorkar wow pynduna yei yap ki khynnah neidaw i pynhiar kpoh wa joor.
Neiliang ka Dr. Y. Shabong, Paediatrician, Ganesh Das Hospital da pynyoo ko kammon wow pynkhreh ORS deiwa pynemkaam ya ki Zinc Tablet wei da kyntu ko wow man kiwa lehkhooid.
Discussion about this post