U Montri Rangbah ka jylla, u Conrad K Sangma ynne da ong u wa da phah yaki bor District wow e tiar yarap cha ki manyung wa chah ktah ha u slap wa ka la’ær ha ki 7 District ka jylla.
Kamwa 400 tylli ki yung wa da chah pynsih wa 940 ngut ki bru wa chah ktah ha u slap waka la’ær wa joor ynnin ka sngi.
Da ong u wa da phah yaki bor District waki chnat sorkar wow e tiar yarap cha kini ki manyung kamjooh ki Tin (CGI Sheets) da sdang e ya ki cha ki manyung wa chah ktah.
Chooh chooh da ong u wa ka sorkar da pynkylla ko leh yaki kyndon krehkaam heiwa da pynkupbor yaki Deputy Commissioner wow sylli wei wow saam ya ki Tin ha jar jiar ki District heiwa nachwa da e du ki marbaam kam u khoo cha ki manyung katkam wa emkaam jhan.
Da ong u wa da ini pynkylla ya i e yarap cha ki manyung, da pynsmat katni heiwa nachwa hap yang ki bru ynru bnai hadooh chi snem chwa wow e yaki Tin tangwa katni da pynkylla yaki kyndon krehkaam haki snem wa dadep wei ki Deputy Commissioner da ye ki u e yarap smat wei da em leh ki manyung wa da yoh yaki Tin wei kiwa ympu yoh leh daw yoh yarap ki haki 24 næ 48 kynta.
Discussion about this post