Da sdang i kreh ya ka Shillong College Extension ha Laitlyngkot

I kreh wow booh chnat namo ka Extension ya ka Shillong College da sdang i ha Laitlyngkot ynnin ka sngi hei sakhi u MLA ka Sohra, u Gavin Mylliem heiwa da ong u wa ini daw yarap bha i ya i puræ puthi khamtam ya ki khynnah na thaw palatsor. 

Ha kani ka sngi da emlang u President ka Governing Board, u Principal kiwa sikai, kiwa pynlai ya ka College wa ki heh ka Elaka Laitlyngkot.

Related posts

Yow lait u em kiwa pynthut ya ki Magistrate wa ki pulit, da pynkrehkaam da ka Section 163 ha thaaiñ Thangskoo

February 7, 2026

Pyndep ki 24 ngut ki khynnah ka Jaintia Eastern College yei chah sikai taan bordiñ

February 7, 2026

U Gavin da khana u wa da sdang ya kani ka luti nadooh ka 13 tarik u Naiynñiaw 2024, deiwa booh ya u mooyurim dei krehlang wa ka Elaka Laitlyngkot wa ka Shillong College wei deiwa em kani ka College daw ye ki khynnah u lai puræ khlem lai de cha sor.

Ha u Naiynñiaw 2024, ka Elaka Laitlyngkot da e ko i thaw wa heh 2.9 Acre cha ka Shillong College wow chna ya kani ka chnat thymme heiwa ya ini da tyrwa da ka chnong khnang wow pynsuk ya ki khynnah khamtam kiwa duna hei yoh i laa neibhah boonsien hap lai ki cha Shillong.