I pynyoorong ya ki dur namo ka Photo Exhibition kawa da epyrtuid ‘Ki Jingkynmaw-Kynmoo Tympang-Gisik Ra∙ani’ wow lehkmen yei dap 51 snem ka jylla da sdang ko ynne hadooh ka 21 tarik uni u bnai ha U Soso Tham Auditorium, Shillong.
Ha ini i pynyoorong da pynsñiaw leh ya ki sur wa ki dur wa khih namo Audio Visual wa da pynlang na kylleiñ ka jylla wow khana ya ka parom ka Meghalaya wei wow pynmoo ya i rukom im wa kyrpang ki jaitbru Khasi, Jaiñtia wa Garo wei kammon emkaam u pynneh ya ki.
Kani ka pynyoorong leh man ko ka dwar wow pait wow yoo ya ka luti wa da lai ka Meghalaya, chwa wow man ko kam ka jylla.
Ki dur wa da pynyoo toh kiwa da tymmoh ha ki yit kiwa pynyoo yei dur ki manyung, ki dur wa chon u Roger Bilham wa da chon u heipor u khmi bah, ki dur u Ahmed Hossain yong ka ‘Iew Smit’, wa ka ‘Ka Rongbiria’ namo ki ‘Siat Tim’, ki dur u Aly Shadap wa chon ya ki loom ki wah ka jylla, da jied leh ya ki dur Postcard ka Meghalaya wa da chon nadooh ki snem 1800 hadooh ki snem 1900 ha Europe wa India.
Da em leh chibhah heiwa da booh ya ki dur wa tip kam ki Transparency Slides, kiwa pynyoo ya ki kot warim wa da chon hapoh Meghalaya, wa kiwi kiwi.
