Ka la-ær wa le ka khlam COVID-19 da nang joor ko ha India hadien wa ynnin kiwa dang yoh da tam ki 25,000 ngut katwa ynne da tam 30,000 ngut deiwa em 33,750 ngut, kiwa chait da em ki 10,846 ngut, kiwa yap 123 ngut iwa mut wa kiwa dang chah ktah da ku ki da 22,781 ngut.
Kiwa dang yoh da boon ki leh ya kiwa dang chait la 10 sngi khlem sangeh heiwa ha kini ki 24 kynta da em du 3 tylli ki jylla wa boon da kiwa chait ya kiwa dang yoh.
Heiyatoh wa kiwa yoh ya u jait Omicron, da em ki 1700 ngut iwa ku naka 1,525 ngut ynnin ka sngi katwa waroh kiwa da chait da em ki 639 ngut.
Ki jylla wa boon dooh kiwa da em kiwa yoh Omicron toh ha Maharashtra (510), Delhi (351), Kerala (156), Gujarat (136), Tamil Nadu (121) wa ha Rajasthan (120) katwa ha kiwi ki District da em ki hapoh 100 ngut.
Waroh kiwa dang chah ktah ha u COVID-19 da em ki 1,45,582 ngut iwa man 0.42%, kiwa da chait da em ki 3,42,95,407 ngut iwa man 98.20%, kiwa yap 4,81,893 ngut iwa man 1.38%.
Ynnin ka sngi da leh 8,78,990 tylli ki Test heiwa kiwa chah ktah da em ki 3.84% kawa tip leh kam ka Positivity Rate kawa da ku cha 3% hadien palat 3 bnai.
Heiyatoh wa i e tika, da dep wow e la 1,45,68,89,306 sien heiwa ynnin ka sngi da e 23,30,706 sien.
