Shillong: Ka sorkar jylla ynne ka sngi da sdang ko ya ka 2nd India International Cherry Blossom Festival ha ka 5th Ground, Polo Grounds, Shillong heiwa u montri ka tnat Forests & Environment, u Clement Marak da man u kam u kongsan hei emlang u Chief Secretary in-charge, u P.S. Thangkhiew, ka Principal Secretary, Tourism, etc., ka RV Suchiang wa kiwi kiwi.
Ya kani ka tamasa da pynman hei yakrehlang wa ka Institute of Bioresources & Sustainable Development (IBSD), Government of India wa ka Indian Council for Cultural Relations (ICCR), Government of India.
U Marak hei klam da ong u wa ka sorkar jylla yaleh ko wow kyntu kynrong ya ki kaam uiñke suwari deiwa pynman ya ki tamasa wa boon jait.
Da ong u wa kani ka Cherry Blossom Festival da leh ya ka kam ha ka ri Japan, USA, Switzerland wa Korea wei da yooluti u wa ha ki snem wow wan daw tip ka pyrthai chaphang kani ka tamasa wa pynman ka sorkar jylla.
Heijooh i por u Marak da ong u wa deiwa pynman ya kani ka tamasa emkaam leh wow kynmoo yeiwa emkaam u yada ya ka bei rymaw.
Ha kani hi ka sngi da pyllait paidbah leh ya ka 2nd India International Cherry Blossom Festival Postage Stamp.
Discussion about this post