Da sdang ka 3rd Republic Day Cup Under-12 Football Tournament

Jowai : Ka 3^rd Republic Day Cup Under-12 Football Tournament da sdang ya ka ynnin ka 11 tarik ha madan Kiang Nangbah Stadium, Ladthadlaboh wei da pyllai ya ka da ka West Jaiñtia District Sports Association.

Ha kani lynpung kynjet bol da wan chimbynta da 16 tylli ki dhab na kylleiñ ka district ka West Jaiñtia Hills.

Ya ka yalehke da pynman ar tylli chisien, deiwa yabhah ya ka madan mar chiteiñ wei da pynman 30 minit chi kylla. Ha ka chi sngi da pynman 4 tylli ki yalehke wei heijooh i por da pynman ar tylli chisien pynman heipor 10 waje wa 11:30 i step.

Related posts

Poi noh ka Baby League ka East Jaiñtia cha wakut

May 10, 2025

District Cricket League: Jop ka Phramer ya ka Khliehtyrshi

May 10, 2025

Ha ki yalehke wa pynman ynnin ka sngi ka Loomiongkjam da pynrem ko ya ka Moosalyngkat da 3-1.

Ya ki kool ka Loomiongkjam da thap da u Daia Passah ha ka minit wa 4 wa 46 wa u Dathrang Kharshiing ha ka minit wa 28. Ya ka kool ka Moosalyngkat da thap da u Pynchebhami Dan ha ka minit wa 22.

Ha ka yakhun ha pyrdi ka Mukhla Raij wa ka Mynthong, ka Mukhla da jop da 4-0. Ya ki kool da thap da u Pyrkhatbha Pale ha ka minit wa 7 wa 45, u Samedonhi Challam ha ka minit wa 37 wa u Ahuni Suna ha ka minit wa 33.

Ha ka yalehke ha pyrdi ka Tpep-pale wa ka 7 Wasa, ka 7 Wasa da jop ko da 4-0. Ya ki kool da thap da u Pynshngain Kyndait ha ka minit wa 15,35,52 wa u Arwanki Rymbai uwa thap ha ka jooh ka minit wa 52.

Ha pyrdi ka Dulong wa ka Nangbah Mulang, ka Dulong da jop ko da 3-0. Ya ki kool da thap da u Oriando Lakiang ha ka minit wa 5 wa u Diangheimonmi Kyndiah ha ka minit wa 26 wa 37.