Jowai: Kamwa 200 ngut ki Scout and Guides ka Meghalaya Bharat Scouts & Guides ka West Jaiñtia Hills District Association, Jowai na ki 26 tylli ki skur chynrang wa 18 tylli ki skur kynthai na ka West Jaiñtia ynnin ka 7 tarik da wan chimbynta ki ha ka 4th Winter Camp and Youth Leadership Training wa pynman ha Thlumuwi, Skhenpyrsit, West Jaiñtia Hills.
Kani ka Winter Camp u pynkut ya ka ha ka 11 tarik uni u bnai wei ha kini ki sngi kiwa chimbynta daw chah sikai ki ha ki boon jait ki sap (skill) wa emkaam ki u tip kam ki Scout wa ki Guide kitæ toh kammon u chet khlem kchu, rukom kdoh tylle wa boon jait, e sumaar bru hak dak (First aid) wa kiwi kiwi.
Ka M. Pde, DSEO da ong wa kani ka Winter Camp daw yarap bha ko ya kiwa wan chimbynta yow pyngngaad i pyrkhat pyrdaiñ khamtam hadien wa dang dep pynkut ya ki Exam wei iwa daw maad ha kini ki 5 sngi daw sah kynmoo ki yanom nadooh wow sñiawthooh pyn da ki ya ki hi i wow yarap ya ki chiboon heiwa im ki man ka sngi.
Neiliang u Andrew Shullai, CEM JHADC uwa man kam u kongsan ha kani ka sngi da ong u wa ini da pynkynmoo ko ya oo heipor wa jooh man u kam u Scout wei da kyntu u ya waroh wow chimbynta ki na mynsien ha waroh ki kaam.
Da ong u leh wa ka sikai wow yoh ki yow man ki kam kiwa yahkhmat daw yarap ko wow pynbniah chooh chooh yei sap wa da em ki kamjooh wow sñiawthooh uwi ya uwi deiwa yachem lok thymme ha kini ki 5 sngi.
Kani ka Winter Camp toh kawa dep pynman la kamwa 23 sien ha ri-loom Jaiñtia tangwa nadooh wa phiah ya ka East wa ka West Jaiñtia Hills da man ko ka sien wa 4 wa pynman ya ka ha West Jaiñtia Hills District.
Discussion about this post