Jowai: Ka Diakonia Social And Development Society (DSADS) yong ka Jingiaseng Samla Shangpung Presbytery chirup i krehlang wa ka Nehru Yuva Kendra Jowai, ynnin ka 16 tarik da sdang pynman ko ya ka Training on Youth Leadership and Community Development kawa 3 sngi lynter ha chnong Phramer, West Jaiñtia Hills District.
U E. Langshiang uwa man u District Disaster Management Officer ka West Jaiñtia Hills District hawa e yei klam kam u kongsan ha kani ka sngi da kyntu u ya ki khynroo khyllood wow chim kabu ki ya kam kini ki programme neibhah wa man ki kiwa kordor bha heiwow pynkylla wei wow saiñdur ya ka rukom im yong ki wei da kyntu u ya ki wow man ki kiwa yaichah wa kiwa kreh chitom ha ki kaam.
Kiwi kiwa da e yei klam ha kani ka sngi toh u D. Rapsang uwa man kam u District Youth Coordinator yong ka Nehru Yuva Kendra Jowai, u Tbn. N. Ryngkhlem uwa man kam u General Secretary ka Jingiaseng Samla Shangpung Presbytery wa u Sarlangki Dkhar uwa man u Secretary ka Society.
Hadien ka yalang, da sdang ya kani ka esikai da ya kawa da bhah ha ki le bynta wa kynthup ya ka Personality Development, Report Writing wa ka Impacts of Social Media ya kawa da esikai da u Pro Pastor u Lamjingshai O. Garod.
Ya kani ka yalang ha kani ka sngi da pynlai da u Chairman ka Society, u Tbn. F Syntem.
Kani ka esikai da pynkut ya ka ha ka 18 tarik uni u bnai.
Discussion about this post