Da sdang ka esikai ya ki Para Legal Volunteers kawa soo sngi wow yarap ya ki paidbah

Shillong : Ka esikai ya ki Para Legal Volunteers (PLVs) yong ka

East Khasi Hills District da sdang ko nadooh ynne ka 28 tarik hadooh 31 tarik uni u bnai ha Shillong Law College.

Kani ka esikai da pynman da ka Meghalaya State Legal Services Authority (MSLSA) wei da wan wai ya ka da u Chief Justice, ka Meghalaya High Court, u Justice Dinesh Maheshwari, uwa man leh kam u Patron-in-Chief yong ka Meghalaya State Legal Services Authority.

Ha kani ka sngi wai da wan sakhi leh da u Justice Sudip Ranjan Sen, Judge ka Meghalaya High Court & Hon’ble Executive Chairman, Meghalaya State Legal Services Authority, u Hon’ble Justice Ved Prakash Vaish, Judge ka Meghalaya High Court & Hon’ble Judge-in-Charge, High Court Mediation Committee, u W. Khyllep, Secretary, Law Department, u W. Diengdoh, Member Secretary, MSLSA, ki khynnah puræ wa kiwi kiwi.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Hei klam u Justice Dinesh Maheshwari da e yaroh u ya ka MSLSA kawa da pynman ya kam kani ka esikai cha ki Para Legal Volunteer chaphang ki aiñ wa kiwi kiwi.

Da ong u leh wa emkaam u batai ya ki paidbah ya i hok i yong ki wei i kaamram yong ki paidbah u leh bha ki neibynta ka ri kam kiwa chong chnong hapoh yong ka.

Da kyntu u leh ya kiwa bichaar (Judges), ki muktiar wa ya ki sahep sorkar wow chimbynta ha kani ka esikai wow pynap pynsñiaw ki yeiwa chem ki wei wow pynche ya ki Para Legal Volunteer wow tip ki kammon u e yumut cha ki paidbah hei yatoh wa ki kaam aiñ.

Kiwi kiwa da klam toh u Justice Sudip Ranjan Sen, u Justice Ved Prakash Vaish, wa kiwi kiwi.

Ya ki kyntien pdiang burom da yoh na u W. Diengdoh, Member Secretary, MSLSA wei u E. Kharumnuid, Chairman, District Legal Services Authority, East Khasi Hills District da man u kam u chongknor.

Ha kani ka esikai daw hikai chaphang ki aiñ kaam yung kaam sem, ki aiñ hei yatoh wa ki thaw, ki aiñ wow yada ya ki kynthai khynnah, wa kiwi ki aiñ.

Daw em ki bru wa chemphang wow esikai kiwa kynthup ya u W. Diengdoh, Member Secretary, MSLSA, ka D. Jyrwa, u C. Ksoo, ka Dr. M. Kharshiing, ka W. Dkhar, kiwa sikai ka Shillong Law College, wa kiwi kiwi.