Jowai : Ka Inter School Basketball Tournament 2016 ka wa pynman da ka ophis u District Sports Officer ka West Jaiñtia Hills da sdang ya ka ynne ka sngi ha madan Basketball wa em ha jan ka Kiang Nangbah Stadium.
Ha kani ka Lympung da em 8 tylli ki skur wa wan chimbynta neiliang ki chynrang kiwa kynthup ya Government Boys’ HS School, Mookyndur Secondary School, Police Public Secondary School, JNV School, Marian Hill HS School, Jaiñtia Secondary School, Adventist HS School wa ka Little Flower HS School Ummulong.
Neiliang ki kynthai won da wan ka Adventist HS School, Police Public Secondary School, JNV School, Mookyndur Secondary School, Government Boys’ HS School, Little Flower HS School Ummulong wa ka St. Mary Mazzarello Girls HS School.
Da pynam 5 tylli ki yalehke ynne ka sngi 3 tylli yong ki kynthai wa 2 tylli ki chynrang.
Ha ka yaleh wa nynkong yong ki kynthai da pynman ha pyrdi ka Adventist HS wa ka Police Public Secondary School heiwa ka Police da jop ko 6-5 point.
Ha ka yalehke wa ar won ka JNV da jop ko ya ka Mookyndur da 8-3 point.
Ha ka yalehke wa le won ka Government Boys’ da rem ko ha ka Little Flower 2-4 point.
Ha ki ar tylli ki yalehke ki chynrang da yaleh nynkong ha pyrdi ka Adventist wa ka Little Flower heiwa ka Adventist da jop ko 16-6 point.
Ha ka yalehke wa khaddooh ha pyrdi ka Marian Hill wa ka Jaiñtia SS ka Marian da jop ko da 20-17 point.
Discussion about this post