Chibynta kam wow lehwarom ya i dap 75 snem ka ri, kawa tip leh kam ka “Bharat Ka Amrut Mahotsav” ynne ka sngi da pynman ya ka yalang hei emlang u Chief Judicial Magistrate cum Secretary, District Legal Services Authority (DLSA), East Jaiñtia Hills District, Khliehriat, u D.S. Marbaniang, u Deputy Commissioner ka District, u E. Kharmalki ha Rymbai Community Hall, Iaw Pinsin, Rymbai.
U Kharmalki, hawa e yei klam da khana u yei eh i khoo wa yachem ka District nadooh ki luti syngkien, ka um, bordiñ, i chait i khiah wa kiwi kiwi wei kam u khlieh ka District da chimkhia u wow pynbiang yei emkaam ki paidbah.
U D.S. Marbaniang, da khana u hajrong ka “Bharat Ka Amrut Mahotsav” kawa man ka lehkmen hadooh ka 15 Naisaphra 2022 wa kiwi ki kaam wa daw leh ha ki bnai wow wan.
Kiwi kiwa da klam ha kani ka sngi toh u J. S. Mairom, Deputy Superintendent of Police, u P. Joshi, Secretary Jaiñtia Cement Manufacturer Association wa u B Rymbai, Secretary ka Rymbai.
