Da sdang ka lehniam Behdieñkhlam deiwa pynpoi ya ka Symbood Khnong ha Loom Sooiung

Jowai: Ynne ka sngi Pynsiñ ka 30 tarik ki khon ka Raij Jowai da sdang ki ya ka lehniam Behdieñkhlam kawa tip leh kam ka Soo Sngi Le Yaw.

Ynne i sngi ki khon ka raij heipor chiteiñ sngi da sdang ki da ka Siang ka Pha iwa mut wa da e baam e dih ya ki Sangia Saret ki yong ki ha jar jiar ki Kmaiyung wa ki Yungblai wa em hapoh ka Raij Jowai.

Hadien wa dep ka Siang ka Pha ki Khon Raij da pynlang paaid ki ha Khliehchnong yow pynkhreh wow lai lithooh ya ka Symbood Khnong.

Chirup wa i ood ka bom, ka bhuri, ka bikur wa ki chæng-chæng ki paidbah kiwa kynthup khynnah wa waheh dei chaad dei kyriaw da lai lithooh ki ya ka Symbood Khnong na Riatturiem, ha u sarokbah Jowai-Shillong.

Related posts

Daw pynman ya ka General Meeting ka Seiñkur Suchiang

January 31, 2026

Pynyoo ki khynnah yei sap wow pynlai ya ka Lympung wa kyrpang yong ki ha Tuber Shohshrieh

January 18, 2026

Manda poi hei thaw wa thyllem ya ka Symbood Khnong da em ka suit ka choor ka engooh edem yeiwa da pyndep da u Kñi ka kur Rngad Neiñ.

Hadien ini da rah ya ka Symbood Khnong yow pynpoi ya ka ha Loom Sooiung (Jowai-Shillong Indica Stand).