Jowai : Ka lehniam Behdieñkhlam man ko ka lehniam kawa kyntang bha ha ki khon ka Niamtre, kamtæ ya kani ka lehniam da sdang ya ka ynne deiwa pyndep ya ka Kbai Muknor ha Iawmusiang.
Heini i kbai Mooknor da em waroh ki waheh wasan nadooh u Dolloi, u Pator, u Langdoh, ki Sangot, ki waheh wasian wa kiwi kiwi, wei da yachem lang ki ha Yung Langdoh ynne i step.
Hadien wa poi ki ha Yung Langdoh da mih ki neini wow lai cha Iawmusiang cha u Mooknor wow pyndep ya ka Kbai Muknor.
Heini u Chutia da kbai da e u ya ka wyrta ka chula cha ki paaid ki phlang wa nadooh ynne ka sngi da sdang ka Niam ka Rukom wei ymhoi de u pynpoi yaka chyieñ ka chrooh na baar ryngkaw chapoh u ryngkaw kamjooh leh napoh ryngkaw cha baar.
Ka Kbai Muknor mut ko leh u kyntu ya ki paidbah yow yakrehlang ki wei wow yoh ki paidbah yei chait i khiah wa i bha hei khih hei khan.
Kani man ko leh kam chibynta yong ka lehniam Thohlangdoh.
Discussion about this post