Jowai: Ka 4th Northeast Kickboxing Championship 2018-19 kawa sdang ha ka 8 tarik uni u bnai ka wow pynkut pyn ha ka 9 tarik uni u bnai da pynman ya ka ha Indoor Stadium U Tirot Singh heiwa da wan kiwa chimbynta na kylleiñ ki jylla ka thaaiñ mihsngi.
Ha kani ka sngi da wan wai ya kani ka lympung da u Metbah Lyngdoh uwa man u montri ka tnat Tourism wa Civil Defense and Home Guards.
U Metbah da e u ya i kyrkhu kyrdoh ya ka seiñ Meghalaya Association of Kickboxing Organisations (MAKO) wa ka Northeast Assocation Kickboxing Organisations (NEAKO), heiwa da em leh u Umakanta Singh uwa man kam u Working President yong ka NEAKO uwa na Manipur wa u Biswajit Kakoti Secretary General, kiwa heijooh i por man ki ki heh hapoh ka Kickboxing ha ri India, wei ki yakhun da man ki kiwa chongchit ya kiwa wan sakhi ya ka.
U Metbah leh da e mynsien u ya ka seiñ Northeast Kickboxing wa ye ko wow pynku ya kani ka yalehke wei da kular u leh wow yarap wow pynpoi ya kani ka jait yalehke cha ka Northesat Games ka wow man ha ha jylla Assam.
U Biswajit Kakoti da pynsñiaw u wa i kyrchaan u montri rangbah ka jylla Assam u Sarbananda Sonowal, da sñiaw tikna wow pynpsiah ya ka Kickboxing ha ka Northeast Games kamjooh ha ka National Games ka wow man ha Uttrakhand kawa da e mynsien chooh chooh ya ki khynnah wa ka-it ya kani ka jait yalehke.
Discussion about this post