Shillong: U montri rangbah ka jylla, u Conrad K Sangma ynne da wai sdang u ya ka Meghalaya Games 2019-2020 kawa pynman da ka Meghalaya State Olympic Association waka Directorate of Sports & Youth Affairs, Meghalaya ha J N Sports Complex, Polo Ground, Shillong.
U Conrad da ekhublei u ya kiwa pynman ya kani ka lympung hadien 16 snem deiwa ong wa daw yarap bha ko ya ki khloor yalehke sports ka jylla.
Da ong u wa ka sorkar yaleh ko wow pynkrehkaam ya ki stat pyrthai wa katni khnang wow tipmit ya kiwa em sap nadooh dang khian i rta.
Da e mynsien u leh ya kiwa chimbynta deiwa pynrap wa ka National Games 2022 ka sorkar da man ko kawa da pynkhreh liang wanang. Da ong u leh wa emkaam u pynman ya kani ka State Games dei langær.
Neiliang u montri ka chnat Sports & Youth Affairs, u Banteidor Lyngdoh da ong u wa ka State Games man ko ka rynsan neibynta ki khynnah kiwa em sap wei wow wanrah yei mynsien yatylli wa i yakrehlang hapyrdi yong ki.
Da ong u leh wa ka Meghalaya Games toh ka rynsaan wow yoh ya ki bru ki wow yaleh ya ka National Games 2022.
Ha kani ka sngi da pynlait paidbah leh ya ka Postage Stamp yong ka Meghalaya Games 2022 wei da wai leh ya ka Website ka Meghalaya State Olympic Association.
Ka Meghalaya Games 2019-2020 u man ko nadooh ka 17 hadooh 21 tarik uni u bnai heiwa da wan chimbynta da ki 1559 ngut wa ki 236 ngut ki Manager ha ki yakhun kam ka Archery, Athletics, Badminton, Basketball, Boxing, Billiards/Snooker, Judo, Karate, Shooting, Swimming, Table Tennis, Taekwondo, Tennis wa ka Wushu.
Discussion about this post