Shillong: Ka National Human Rights Commission (NHRC) da pyntip ko wa da sdang biang ko ya ka Fourth Annual Competition for Short Films on Human Rights heiwa kiwa jop daw yoh ki ya ka Certificate ka song poisa wa T. 1 lak, T. 75,000 wa T. 50,000 cha kiwa jop nyngkong, wa ar wa kiwa yoh wa le.
Ka thong yong kani ka yakop toh wow pynchlur wei wow e mynsien ya kiwa em sap chna film ki bru nadoh ka ri, khlem da kheiñ yei rta wei wow pynsñiawthooh paidbah ya ka hok samen yong ki namo ka Human Rights.
Kini ki film wa tbian ye ki u man ha iwon iwon i ktien ka ri India wei toh u em ki leh ya ki Subtitles hei ktien English wei i jrong kini ki film toh hapyrdi 3 wa 10 minit.
Ka tarik wa khaddooh wow pdiang ya ki film toh ha namo chwa ka 2 Naiynñiaw, 2018.
Wow tip ya ki kyndon wa kiwi kiwi kamjooh wow yoh ya ka form ye u chim na ka Notice Board ka NHRC namo ka website: www.nhrc.nic.in.
Heijooh i por ka Commission da booh ko leh ya ka yakop kam ki Slogan/Tagline Writing, Logo Designing wa Painting Competitions. Kiwa kwah u embynta ha kini ki le tylli ki yakop ye ki u phah yei jooh lyngba ka Online ha Creative Corner Section yong ka website ka sorkar pyrdi.
Ya kiwa kwah u chimbynta ha kini ki le tylli ki yakop ye ki u phah yeiwa leh ki chwa ka 5:00 waje i janmiet yong ka 30 tarik uni u bnai ha www.mygov.com.
Discussion about this post