Hadien wa poor iwi i Video wa chah riñ uwi u pulit ka Tura Traffic Branch wa baam tangka u na uwi u khynroo heiwa da chah pynbaad u wa da chim u ya ka poisa na uni hadien wa chah pynsangeh u neidaw wym em sap Helmet u hawa chong hadien uwa yah Scooty.
Neiliang ki pulit ka West Garo Hills District da pyntip ki wa ini toh iwa da dai sarom bha ya ki wei ya uni u pulit da tip uyi oo wei da sdang leh u leh yeiwa emkaam yow pynchitom ya oo.
Chooh chooh da pyntip wa ka Tura Traffic Branch toh kawa kreh chitom miet wei sngi yow pynlai ryntih ya ki ha Tura wei u pteiñ u leh yeini katwa ye i bor.
Heijooh i por da ong wa ini ymtoh wow ktah ko ya kiwi ki pulit wa kreh chitom yow pynman yei lai i wan iwa chngaaiñ.
Ha iwi won i liang da pyntip wa ki pulit ka Anti-Narcotics Task Force ka West Garo Hills District ynne da yoh ki wow kem ya arngut kiwa dai drugs wei kini toh u Abinash Lohar (37 snem) uwa na Beldarpara, Tura wa u Jobarul Hussain (35 snem) uwa na Kakripara, Mankachar, South Salmara, Assam.
Na kini da kem ya 1.51 grams i Heroin, 13 tylli ki tadong wa thylli, ar tylli ki Mobile Phone, ka poisa wa T. 11,600 wa kawi ka Auto Rickshaw wa em ML-08J-0131.
