Da sdang ka tayaw National Road Safety Week ha Jowai

Jowai: Ka 30^th National Road Safety Week kawa pynman hapoh ka phang, ‘Sadak Suraksha-Jeevan Suraksha’ da wai ya ka da u Garod LSN Dykes, IAS, Deputy Commissioner, West Jaiñtia Hills District, ha ka 4 tarik ha Jowai ha ka yalang pynsñiawthooh paidbah wa pynman ha thaw pynyieñ kari kamai Ummulong wa em ha Iawmusiang, Jowai kawa pynman da ka West Jaiñtia Hills District Level Committee deilang waka yung krehkaam u DC, ka yung krehkaam u Superintendent of Police, ka chnat Transport, PWD waka chnat i chait i khiah. Ya kani ka Road Safety Week u pynman nadooh ka 4 taik uni u bnai hadooh ka 10 tarik uni u bnai.

U DC hei klam yong oo ha i por wai ya kani ka Road Safety Week, da ong u wa ka thong kani ka Road Safety Week toh wow pynsñiawthooh paidbah yei emkaam u man kiwa husiar heipor wa yah kari kamjooh ha ka lai ka wan yow lait na ki jia wa sñiawsih kam ki ya tyrrah kari wa kiwi kiwi. Da ong u leh wa ki ya tyrrah kari, i chah tyrrah kari toh kiwa ye u kiar lada kiwa yah kari kamjooh kiwa lai kjat bood ki ya ki kyndon wa da booh hawa yah kari kamjooh hawa lai kjat.

U Deputy Commissioner leh da kyntu u ya u District Transport Officer wa lada ye, heipor wa e License yah kari kiwa yaleh License toh em ka yutip wa kammon u leh First Aid heiwa ya ka Certificate wa ye ki u leh ya ini toh u e da ka chnat i chait i khiah. U DC da sñiaw u wa deiwa leh ya ini daw ye u lait na i dooh ya i mynsien bru wei da kular u leh waka chnat Transport kamjooh ki pulit u yarap lang ki.

Neiliang u Superintendent of Police u Lakador Syiem, IPS da kyntu u ya ki paidbah khamtam kitu wa yah kari wow bood ki ya ki aiñ yah kari wei wow man ki leh kiwa kitkhlieh yow lait u jia iwon iwon i kaam wa sñiawsih.

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Neiliang ka chnat i chait i khiah da pynyoo ki kammon wow e First Aid ya ki bru wa mynsoo ha i ya tyrrah kari.

Neiliang u R. Tariang, uwa man kam u District Transport Officer uwa pynlai leh ya ka yalang da ong u wa ya ka Road Safety Week da leh yow pynkynmoo wei wow pynmyllien ya waroh yei emkaam u man kiwa kitkhlieh wei wow husiar hawa yah kari kamjooh ya kiwa lai kjat.