Jowai: Ka West Jaiñtia Hills District ynne ka sngi chirup wa ka ri waroh kawi da sakhi ko ya ka 29th National Road Safety kawa da sdang da ka Awareness Programme ha yungkrehkaam u District Transport Officer ya kawa da pynman da ka West Jaiñtia Hills Police wa ka District Administration hajrong ka thong “Sadak Suraksha- Jeevan Raksha”
“Deiwa kynmoo wa jia i yahtyrrah kari dei langær ha ki boon bynta ka District neidaw wa bakla kiwa yah namo ki paidbah kiwa lai kjat, katwa kamtæ emkaam wow man kiwa husiar wa kiwa syndong hawa em ha sarok deiwa bood ya ki aiñ sarok yow yait na i jia wa sñiawsih,” da ong u P. Syiem, Additional Superintendent of Police. Da kyntu u ya kiwa yah wot kiwa chong kari wow man ki kiwa syndong wei wow da ki pyn daki yaki hi heiwa emkaam wow pyndait Seat Belt wei wow sap Helmet hawa chong thuk-thuk wei wow sangeh wei chongngiah hawa ngiah.
U D.H Pde, Officer Incharge Jowai Traffice Branch da khana u wa ha kini ki sngi wa dadep da joor ki yatyrrah kari wei ye u yada yei mynsien bru deiwa pyndait Seat Belt, wei i tyrrah mih i neidaw wa khaler kiwa yah wei wow kiar neini toh wow bood ya ki kyndon aiñ pynlai kari.
Ka Road Safety Week u pynkut ya ka hadooh ka 30 tarik uni u bnai heiwa daw pynman ya ki yalang wa boon ha kiwa boon ki bynta ka District nadooh mynstep ka 24 tarik heiwa ka tnat ka chait ka khiah daw pynman ko ya ka First Aid Programme ya iwa daw pynbood da ka yalang paidbah namo ka Public Meeting ha Tourist Taxi Stand wa em hajan ka Jowai Police Station heipor 11:00 waje i sngi.
Yeini da pyntip da u R. Tariang, uwa man kam u District Transport Officer, uwa da kyntu ya ki paidbah wow yakrehlang ki wa ki bor sorkar ha kani ka tayaw.
Discussion about this post