Nongstoin: Ka Nongstoin Town Committee da pynyaar ko yei pynkrehkaam ya ka Solid Liquid Resource Management (SLRM) cha Pyndengrei, Ladweitang wa Mawiong Lumsyntiew nadooh ka tayaw wa ar uni u bnai. Kamwa man kattæ ki GAD Quarters, Nongstoin Market, New Nongstoin wa ka Upper New Nongstoin toh kiwa da yoh ya kani ka SLRM wei deiwa em kini ki 3 tylli ki dong da poi waroh kattu 7 tylli ki dong.
Suki suki waroh ka Nongstoin daw haap ko hapoh kani ka SLRM. Katni em artylli ki kari krehkaam da ki bor Battery wei da dep yoh leh sa kawi ka Bolero Pickup ka wow kit jhep yow ye ko u poi cha kiwa boon ki bynta ka Nongstoin.
Hapoh ka SLRM waroh ki jhep haap yabhah ki hapyrdi ki wym pyut wa ki wow pyut wei yeini haap leh lut waroh ki manyung wei haap ki leh u em artylli ki thaw pyllang jhep yow leh yeini.
Lada khleh takulæn, kiwa kit jhep ym bien ki u kit yei jhep.
Kawi pa kawi ka manyung hap su ki T. 50 chi bnai heiwa ya ka ki GAD Quarters won haap su ki T. 150 chi bnai wei em leh kiwa su hadooh T. 500 chi bnai. Kani ka poisa u lai ko yow su bai phniang kari, tulop wa kiwi wa emkaam kiwa pyllang jhep.
Kiwa kreh ka SLRM ym psiah ki ha iwi pa iwi i yung tangwa daw pynyieñ ya ka kari ha iwi i thaw wa jan yow wan noh jhep ki paidbah.
Da khang leh wow thang ya i jhep, u pyllait ya ki paikhana cha ki wah wa ki nala.
Yow sñiawthooh ki paidbah da saam leh yaki khot khian wa pynche paidbah hei yatoh wa ini.
(Source: Deputy Commmsioner Nongstoin)
Discussion about this post