Da sdang krehkaam ki kyndon thymme ka SBI hei yatoh wa i rukom booh poisa sai poisa wa kiwi kiwi

Jowai : Lada phi toh kiwa booh poisa wa ka bank SBI, nadooh ka 1 Naitung (April) ka SBI da pynkrehkaam ko ya ki kyndon wa boon jait, kini ha wa wah toh kiwa emkaam u tip phi.

Katwon i wa duna dooh ka poisa wa emkaam u em ha ki account?

Ha ki sorbah (metro cities) emkaam u em ym duna ya T. 5,000 ha ki account, ha ki sor heh (Urban Areas) emkaam u em T. 3000 ha ki sor khian (Semi-urban) T. 2000 katwa cha ki thaw wa nongkyndong emkaam u em T. 1000.

Iyi wow jia lada ym biang ka poisa katkaam wa da kdaw ka bank?

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Katkaam ki kyndon ka bank lada ym ye u pynbiang ya ka poisa Monthly Average Balance (MAB) daw chah daiñ kuna hadooh T. 100 wei daw kheiñ leh sa ka service tax.

Ha ki metro, ka kuna u man ko T. 100 wa ka service tax, lada ka poisa hiar ko 75% na ka MAB wa T. 5000. Lada duna ko 50% daw chah daiñkuna T. 50 wa ka service tax.

Ya kiwa sah cha nongkyndong won ki wym booh ya ka poisa wa T. 1,000 ha ka account daw chah daiñ kuna ki T. 20 hadooh T. 50 wa ka Service Tax.

Katwon sien chi bnai ye O u thap poisa khlem chah ah poisa?

Kiwa em Saving Accounts ye ki u thap poisa 3 sien chi bnai khlem chah ah poisa. Hadien le sien daw chah ah T. 50 wei daw kheiñ leh sa ka Service Charge.

Daw chah ah poisa manda sai poisa na ki ATM?

I sai poisa na ka ATM daw chah ah T. 20 lada sai palat le sien na ki ATM yong kiwi tawon ki bank wei daw chah ah T. 10 lada sai poisa palat ya 5 sien na ki ATM ka SBI ha ka chi bnai.

Lada em poisa won phi T. 25,000 chaneiñ ym chah ah poisa manda sai poisa na ki ATM ka SBI wei ym chah ah poisa lada sai phi na kiwi tawon ki ATM yong ki bank waphær waphær lada em poisa phi palat ya T. 1 Lak ha ka bank account.

Daw kheiñ leh ya ki SMS Alert?

Ka SBI daw ah ko T. 15 kam ka bai phah SMS man ka Quarter cha kiwa ksoh Debit Card kiwa em T. 25,000 man ka le bnai. Ym chah ah poisa lada pynemkaam ya ka Unified Payments Interface (UPI) and Unstructured Supplementary Service Data (USSD) hadooh T. 1000.

Kini ki kyndon thymme u krehkaam ki du ha ka SBI?

Kini ki kyndon u krehkaam ki leh wa ki 5 tylli ki bank wa krehlang wa ka SBI ka State Bank of Bikaner & Jaipur (SBBJ), State Bank of Mysore (SBM), State Bank of Travancore (SBT), State Bank of Patiala (SBP) wa ka State Bank of Hyderabad (SBH) namo ka Bharatiya Mahila Bank.