Jowai: I yaleh wow taan um na ki krem mooyong wa em ha Ksan, EJH yow sai ya kiwa cha kset, da chah ktah bha ko ha kini ki sngi neidaw wa joor u slap wei ka um haka krem mooyong wa em kiwa chah kset leh ym hiar ko hanlada ka Kirloskar Brother Limited da pteiñ ko wow pynemkaam ya ki 2 tylli ki Pump naka krem mooyong warim wa 8 wa sa ar tylli ki Pump naka krem mooyong wa le ha kini ki sngi wa da dep wei hadooh i janmiet ynne ka sngi da pynemkaam mar 16 kynta hadooh 5 waje ynne i janmiet wei da sai um waroh 2880000 Liter wei daw pteiñ biang hei step.
Neiliang ka Coal India Limited da ki 2 tylli ki Pump yong ka wa pynemkaam haka krem mooyong warim wa 4 wa 6 hadooh ynne i janmiet 5 waje iwa da taan um 18 kynta kawi ka Pump wei da sai um 4860000 Liter.
Ka KSB won da taan um ko 16 kynta nadooh ynnin hadooh ynne i janmiet 5 waje wei da sai um 2880000 Liter.
Discussion about this post