Ka yung krehkaam u State Mission Director, Ayushman Bharat Digital Mission (ABDM) Meghalaya da wai paidbah ko ya ka ABDM Scan & Share kawa da pynkrehkaam ha NEIGRIHMS Hospital nadooh ka 10 tarik uni u bnai.
Ka Ayushman Bharat Digital Mission toh kawa wanrah ya ka Digital Health Services katkam wa da booh thong da ka World Health Organisation yow pynyoh yei sumaar sukhær cha waroh ki bru hapoh ka ri.
Ka National Health Authority (NHA) lyngba ka ABDM da sdang ko wow pynemkaam da ki QR-Code ha waroh ki thaw sumaar wa da tipmit da ka ABDM heiwa kiwa wan phah sumaar ye ki wow Scan ya ka QR Code yow khana chaphang yong ki katkam wa kwah ki khlem da pynbor.
Deiwa leh kamni daw pyndooh ko yei hap yieñ laiñ khamtam heipor wa boon bru ka OPD wei heijooh i por daw pynsmat ko ya ka Hospital leh wow pynbiang yeiwa emkaam kiwa wan chah sumaar.
Ya kani da wan wai da u Dr. (Prof) Nalin Mehta, Director NEIGRIHMS deiwa emlang u Ram Kumar, Secretary Health & Family Welfare Department, u Dr. H.C. Lyndem, Director of Health Services (MI) ka sorkar Meghalaya wa kiwi de ki heh sorkar.
