Shillong: Dei thmu wow pteiñ yei leh pyrchah ya i dih drug wa kiwi ki jait dih pynmuaid ynne ka sngi da pynman ya ka pynsñiawthooh paidbah ya ka sngi wa tip kam ka International Day against Drug Abuse and Illicit Trafficking 2018 ha U Soso Tham Auditorium, Shillong hajrong ka phang “Listen First- Listening to children and youth is the first step to help them grow healthy and safe”.
Ha kani ka sngi da wan embynta da ki khynnah skur, wei ya kani ka yalang da pynman da ka District Social Welfare Officer, East Khasi Hills, Shillong hei yakrehlang wa ka Meghalaya AIDS Control Society, Shillong, KJPA New Hope De-addiction Centre, Shillong wa kiwi kiwi.
U kongsan ha kani ka sngi toh u Davies N. R. Marak, Superintendent of Police, East Khasi Hills, uwa da ong wa ka Meghalaya da sdang man ko ka thaw pynlai yaaw ya u drug heroin hapoh ka ri. Ka Shillong neidaw wa man ko ka luti pyrdi, em chiboon kiwa chim kabu yeini khamtam kiwa jooh man ki dkhot ki seiñ kieñ suloi namo kiwa emkti ha ka khayi drugs wow e poisa ya ki kaam wa man pyrchah aiñ.
I roi ki kaam sih wa man pyrchah ya ka aiñ pynyoo i wa da sdang roi kiwa pynemkaam drugs khamtam ki khynroo kiwa leh ya ki kaam wow pynhun yei kwah yong ki. U Marak da pyntip u leh wa ka tnat pulit daw pynman ko i pynche wa i pynsñiawthooh paidbah ha kiwa boon ki dong, ki skur wa ki college.
U Dr. Arvind Nongpuir, Assistant Professor, Psychiatry Department, NEIGRIHMS, Shillong da klam u chaphang i ma wa i sih wa mih na i pynemkaam drugs. Da ong u wa i kwah wow pyrchang boonsien yah ko chei kyrni u pynemkaam drugs iwa ktah won yei chait i khiah wa i doh i pran yong ki bru samen.
Ha kani ka sngi da saam leh ya ki khusnaam cha ki skur wa jop ha ka Slogan Writing Completion heiwa da jop da ka Synod Higher Secondary School, wa ar da poi da ka Seven Set Higher Secondary School katwa yei naam wa le da yoh da ka B.K. Bajoria wei da saam leh ya ki Consolation Prize cha ka Mawprem Modern Higher Secondary School wa St. Dominic College, Shillong.
Discussion about this post