Jowai : Katkam ka yutip wa da yoh da ong wa ka tnat Directorate of Mineral Resources (DMR) da sdang noh ko u sylli (check) ya ki kot ki sla ki truck kam ki Challan ha Mookyndur iwa da wanrah yei sahkut ki kari ha u sarokbah NH 44.
Da ong leh wa ki bru wa sap sula yung da pynemkaam ki da ki dieñ kam ki lathi wow phah sangeh ya ki truck wa kit mooyong iwa man leh pyrchah ya ka aiñ.
Neiliang ki bor pulit hadien wa da yoh ujor ki na ki paidbah da pyntip ki ya u District Mineral Officer (DMO) ka West Jaiñtia hei yatoh wa ini.
Neiliang won u DMO u R.A. Thabah da pyntip u wa i sylli da leh deiwa jied ya ki kattu ktni hi-eh ki truck (randomly).
Kamtæ da kyntu ya u DMO wow pyntip ya kiwa kreh ka tnat wow kreh ki dei miat yow lait na iwon iwon i jia wa sñiawsih iwa ye u mih na kiwa yah truck.
Discussion about this post