Jowai : Ka Jaiñtia Students’ Union (JSU) ha ka khubor wa da phah da pynsñiaw ko yei sñiawngooh ya u Vice Chancellor ka North Eastern Hill University Shillong u Prof. S K Srivastava nei daw wa chimkhia wei ksoh u yaka kular ya ka seiñ wow thung noh ya ka Committee neibynta wow pynlai bait ya ka thaw puræ kawa toh kawi naka tnat ka NEHU ha Wahiajer West Jaintia Hills.
Ya kani ka Committee kawa da dep thung wei da pyntip paidbah u VC da khut pyrtuid iaka kam ka “Task force committee for Community College Wahiajer, Jowai, West Jaintia Hills” heiwa u Prof. Henri Lamin da man u kam u Chairman kani ka Committee hei emlang kiwi tawan ki professor kamjooh ki engineer ka Engineering wing/Dept yong kani ka skurbah.
Ka JSU da booddien ko din pa din tok pa tok yow pynman kaam yeini wei da lai yachem ko leh wa ki khroo pyrkhat na kyllaiñ ka ri-loom Jaiñtia hei yatoh weini.
Ka JSU e khublei haroh ko ia waroh ki dkhot kani ka Committee nadooh u Chairman wa kiwi kiwi, wei wa kyrmen skem ko wow kreh chitom bha ki hei yatoh wow yoh u sdang ya kani ka thaw puræ nei bynta wow kyntu kynrong yei puræ puthi hapoh kani ka Rilum Jaintia waroh kawi.
Also Read: Kular u VC ka NEHU wow thung ya ka Task Force Committee hapoh ar tayaw : JSU
Discussion about this post