Shillong: Ka Director ka tnat Food Civil Supplies and Consumer Affairs, ka I.R. Sangma ynne da wai ko ya ka Pilot Project yong ka Fair Price Shop Automation neibynta ka East Khasi Hills District ha Conference Hall, ka yungkrehkaam u Deputy Commissioner, East Khasi Hills, Shillong hei emlang u Deputy Commissioner ka District, u P.S. Dkhar, ki sahep ka Food Civil Supplies and Consumer Affairs Department, NIC, ki tre yong ki Fair Price Shop, ki heh ka Link Well Tele System Pvt. Ltd wa kiwi kiwi.
Ka Sangma da ong ko wa kani ka Project da sdang da ka sorkar pyrdi wei ka thong yong ka Fair Price Shop Automation toh ka wow pynduna yei lait sepai wei i pynemkaam bakla ya ki mar heiwa u yoh hok ki paidbah kamwa da mang ya ki hapoh ka Food Security Act.
Ha ka bhah wa nyngkong yong kani ka project, da jied ya ki 10 tylli ki Fair Price Shop ha sor Shillong deiwa booh ya ki tiar ‘electronic Point of Sale’ (ePoS) ha kini ki dukan yow booh yukheiñ yeiwa da yoh ki paidbah.
Kani ka tiar daw pynmih ko ya ka slip kawa da thoh che ya iwa emkaam chaaphang kiwa yoh myntoi.
Discussion about this post