Da sdang ya ka 6th Pdengshakap Secondary School Invitation Football Knock-out Tournament

Amlarem: Ka Tympang Club Pdengshakap da sdang ko ya ka lympung kynjet bol wa tip kam ka 6^th Secondary School Invitation Football Knock-out Tournament 2018-19 ynnin ka sngi heiwa u MDC yong kani ka thaaiñ u Lamdibok Sumer da wan u kam u kongsan.

Ha kani ka sngi da emlang leh ki waheh wa sian kani ka thaaiñ, ki paaid chong chnong kamjooh kiwi kiwa na ki chnong wa jan kiwa da wan sakhi lang ki.

U Lamdibok hei klam yong oo kam u kongsan da pyn-eh nasib u ya kiwa pynman ya kani ka lympung yow man ko kawa lai bait lai ryntih khang wa ki thmu yong ka kawa neibynta ki School wa ka chnong hi waroh kawi u man ko kawa jop wei da kular u leh wow yarap pynbha yaka ka madan yalehbol wei da snien da kyntu u leh ya waroh kiwa wan chimbynta.

Ya ka yalehke wa sdang da pynman hapyrdi ka Skhenpyrsit Dongmihsngi wa ka Pasdrwar Young Boy heiwa ka Skhenpyrsit Dongmihsngi da jop ko da 1-0 lyngba ka kool wa thap u Ebor Tariang hapoh ka ka 16 minit.