Da sdang ya ka Higher Secondary ka Wahiajer Presbyterian School

U Trebor Talang uwa man u Secretary yong ka Wahiajer Presbyterian Secondary School da pyntip u wa da pynku kyrdan ya ka skur cha ka Higher Secondary School wei daw sdang ya ka Admission nadooh ka 1 tarik April 2026.

Da ong u wa ha ki snem wa dadep jooh yoo wa em ki ki khynnah skur kiwa ood wa chitom ki wow yoh ya ka Admission ha ka Class XI neidaw wa boon ware kiwa Pass ya ka SSLC wei kamwa duna ki Higher Secondary School ha West Jaiñtia Hills District, neiliang kiwa pynlai ya ka skur da pynkhreh ki nadooh u snem wa dadep wow sdang pynmih ya ka Higher Secondary.

Ya kani ka Higher Secondary da pynmih ha ka 26 tarik u March 2026 deiwa booh ya u mooyurim wow sdang ya ka Arts Stream. Kani ka skur u em ko leh ya ka Vocational Course – “Beauty and Wellness” kawa ki khynnah ye ki u chim lada ka’it ki ha kani ka bynta.

Related posts

Da khang ya ki dukan wow pynemkaam ya ki Domestic LPG Cylinder hapoh West Jaiñtia Hills

March 26, 2026

Yap 23 ngut hadien wa noh ka Bus cha um chwa wa mut u ku jhaad  

March 26, 2026

Ya uni u mooyurim da wai da u Rev. K.Pariat, Pastor In-charge yong ka Balang Presbyterian District Wahiajer ryngkat ki kyntien kyrkhu kyrdoh wei kitbok kitrwiang wa ka skur u dang ku ko ha i puræ puthi ha i tip bru tip Blai. 

Chooh chooh da pyntip u wa ya ka Admission Form u pynlait nadooh ka 1 tarik u April 2026 nadooh i por 10:00 AM hadooh 3:00 PM man-ka-sngi wei ya ki Form ye u chim na Office yong ka skur wa em pyn hapoh ka School Campus.