Shillong: U montri rangbah ka jylla, heipor wa sdang ya ka Webinar wa ar sngi wa tip kam ka Agri-Vision 2040, da ong u wa ki kaam rep wa kiwi ki bynta wa yatoh wa ka toh u chimkhia bha ka sorkar ya ki wow pynku ya i yoh i la iwa da chah ktah bha ha ka khlam COVID-19.
Da ong u wa ka ri wa ka pyrthai chem chitom bha ko nei em ka khlam COVID-19 kawa da pynthut bha i yei rukom im ki bru man ka sngi. Da ong u leh wa kani ka khlam da ktah bha ko ya i yoh i la wa i khayi pateiñ wei ki kaam rep man ko kawi na ki bynta ha ka jylla wa ekhih ya hadooh 80% ki paidbah ka jylla.
Deiwa kyruiñ ya iwa bha wow mih na kani ka webinar, u Conrad da kyrmen u wa dei chimbynta kiwa boon ki bru chemphang na ki yung krehkaam waphær waphær ka ri, ki seiñ ki warep wa kiwi kiwi, daw ye u yoh myntoi bha neini kam hei wow chna ya ki kyndon krehkaam, i esikai wa kiwi kiwi i wow ye u pyndap yei emkaam mar baam ka jylla.
Ha kani ka Online Seminar daw wanrah ya ki phang wa yatoh wa ki stat ka juk heiyatoh wa ki kaam rep, i thooh bniah, i rukom song marbaam, i pynpoi ya ki mar cha yaaw, wa kiwi kiwi.
Ha kani ka sngi sdang da emlang leh u Chief Secretary M.S Rao wa u Principal Secretary, Agriculture, Dr. P. Shakil Ahammed.
