Da sdang ya ka National Recruitment Agency, yaroh u Dr. Jitendra Singh yeini

U montri khynnah ka sorkar pyrdi wa pait ya ka (Independent Charge), Development of North Eastern Region (DoNER), MoS PMO, Personnel, Public Grievances, Pensions, Atomic Energy and Space, u Dr. Jitendra Singh ynne da e yaroh u ya ka sorkar pyrdi wa da rai ko wow sdang ya ka National Recruitment Agency (NRA) wow pynman ya ka Common Eligibility Test deiwa ong wa ini man i chynna jngai ka sorkar heiyatoh wa i thung kreh ha ki chnat ka sorkar pyrdi. 

Da ong u wa kani ka Agency kawa tip kam ka National Recruitment Agency (NRA) ka wow pynman ya ka Common Eligibility Test (CET) wow jied ya kiwa kreh ha ka kyrdan Group B wa Group C (Non-technical post) wei daw pynman ko yei yakhun kreh.

U Dr. Jitendra Singh da ong u wa ini i leh ka sorkar pyrdi, ym du u pynsuk i ya kiwa yaleh kreh wa i thung kreh heiwa daw booh hadooh 1,000 tylli ki Centre, ya kiwa daw chna ha kawi pa kawi ka District heiwa kiwa yaleh kreh (Candidate) u ye ki wow leh Test yong ki. 

Da pynrap u deiwa ong wa ini daw yarap bha i ya kiwa yaleh kreh kiwa wan na ki chnong wa jngai khnang wow lait ki u lut por wa kamjooh ka poisa.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U Dr. Jitendra Singh da ong u leh wa ka NRA daw sdang krehkaam ko nadooh u snem wow wan wei u em Headquarter ko ha Delhi dei kyrmen leh wa ki karkhana samen (Private Sector) daw yakreh lang ki wa ka NRA ha ki por wow wan. 

Ka NRA u em ko ya kiwa mihkhmat namo sahep ki chnat kam na ka Ministry of Railways, Ministry of Finance/Department of Financial Services, SSC, RRB & IBPS wei kani ka NRA u man ko ka Agency wa kyrpang heiyatoh wa ki kaam thung kreh.

Ka NRA daw pynman ko ar tylli ki Test ha ka chi snem wei ki Marks (Score) kiwa yaleh kreh u neh/im ki hadooh le snem heiwa lait na i ktien Hindi wa English, daw pynman ya ka test ha ki 12 tylli kiwi tawon ki jait ktien kat dang lai i por heiwa daw leh ya ki Test ha ki ktien kiwa da kynthup ha ka 8^th Schedule ka riti synchaar ka ri (Constitution). 

Chooh chooh da pyntip u wa ki Exam wa boon man ki kiwa khia ya kiwa yaleh kreh (Candidate) sorkar wei iwa pynman ya kini ki Exam wow man ki kiwa sy’ad.

Heijooh i por da ong u wa kamwa man katni em hapyrdi 2.5 klur hadooh 3 klur ngut kiwa yaleh kreh (Candidate) ha kini ki Exam man u snem tangwa ka Common Eligibility Test daw pynsuk ko ya kiwa yaleh kreh u pyndap pyrtuid (Apply) wei wow leh exam ki chisien donhi neibynta kiwon kiwon ki chnat ka sorkar pyrdi.