Da sdang ya ka seiñ AMTOSA kawa pait yei bha i miat ki tre kari Dumper

Ka seiñ ki tre kari Dumper da sdang ya ka haka 21 tarik u Naiynru 2024 wei ya i pyrtuid ka seiñ da e kam ka All Meghalaya Tipper Owner Supplier Association (AMTOSA).

Da jied leh ya kiwa kitkaam wa chipor (Adhoc) heiwa u Chairman toh u NR Biam, u President u D. Wanmi Laloo, u General Secretary u Roytre Dkhar wa 125 ngut ki dkhot.

Ynne ka sngi ka 17 tarik da yoh u pynman ya ka General Meeting kawa ar heiwa ka AMTOSA da chim ko chiboon ki rai neibynta ki tre kari Dumper heiwa da iwi i sur da rai kammon wow wanrah yei yatylli.

Da rai leh wow yaklam wa ki karkhana waphær waphær heiyatoh wa i kit mar wei waroh ki dkhot yong ka seiñ da rai ki leh wow krehlang wa kiwa yahkhmat ka seiñ.