Ka Skill India Digital hapoh ka Digital Platform Infrastructure (DPI) toh ka thong krehkaam ka sorkar pyrdi wow pynchlur ya kiwa seiñ kreh hapoh ka ri.
Kamtæ ynnin ka sngi da sdang ya ka Skill Hub ha JNV PM SHRI School Jawahar Navodaya Vidyalaya, Mukhla, West Jaiñtia Hills ha ka yalang heiwa u SK Lato da man u kam u kongsan.
Ka thong yong kani ka Skill Hub toh wow e sikai ya ki khynnah dei wow ye ki u yieñ hajrong ki kjat yong ki hi wei wow kyrchaan ya ki katkam ki kyndon wa em ha ka National Education Policy (NEP) 2020, wow booh ya ki Skill Hub ha ki skur lyngba ka Pradhan Mantri Kaushal Vikas Yojana (PMKVY) 4.0 khamtam ha ki skur wa yabi waka CBSE la ki yong ki bru samen namo yong sorkar.
Ki Skill Hub katkam ki kyndon toh wow e sikai hadien wa kut i por man skur ha ki sngi kut tayaaw wa ki sngi chuti.
Ka thong yong ka NEP 2020 toh wow e sikai ya ki khynnah wa em sap wow yieñ ha ki kjat yong ki deiwa em 50% wa chah hikai kat ha u snem 2025 wei wow e sikai ya ki khynnah wa lai Class-9 hadooh Class-12 kamjooh ki khynnah wa da dam skur.
Haka yalang wow sdang ya kani ka Skill Hub da em ki khynnah skur ka JNV Mukhla wa ki khynnah na Kiang Nangbah Government College.
Kani ka Skill Hub u pdiang ko hadooh 60 ngut ki khynnah heiwa 40 ngut toh na JNV Mukhla katwa 20 ngut won na kiwi ki skur napoh ka District.
Discussion about this post