Da sdang ya ka tamasa wow pynyoo yei man kyrpang ki le jaitbru ka Meghalaya

U Chief Minister ka jylla, u Conrad K Sangma ynne da wai u ya ka Tri Hills Ensemble hei emlang u Montri ka chnat Arts and Culture, u Paul Lyngdoh wa u Head of India yong ka Welsh Government, u Mitchell Theaker ha ka yalang wa da pynman ha U Soso Tham Auditorium, Shillong.

Ka Tri Hills Ensemble kawa le pynyoo ko yei rukom im wa mahajon yong ki jaitbru Khasi, Jaiñtia wa Garo ka jylla Meghalaya wei kani man ko chibynta yong ka Jan Jatiya Gaurav Diwas. 

U Conrad hawa e yei klam da ong u wa kani ka tamasa toh wow lehkmen yei man kyrpang wei mahajon i rukom im ki jaitbru ka jylla wei kammon u tipmit ya ki.

Chooh chooh da ong u wa ka sorkar da booh ko ya ka luti wow lai ka wow pynchlur ya ka pateiñ wow wan khnang wow man kiwa sarong hajrong i mahajon ki jaitbru ka jylla deiwa pyntip wa da booh ya ki pynwyrngia wa yatoh wa i put i tem, i rwai i siaw, i thoh i tar, i stat u bru yongrim wa kiwi.

Da ong u leh wa ki bru toh u sñiawsarong ki yei rukom im kamjooh i ktien i thylliej yong i.

Da yaroh u leh ya ka chnat Arts & Culture kawa da chimkhia wow pynmiat ya ka Captain Williamson Sangma Museum, deiwa pynchlur ya ka wow pynemkaam ya ki stat ka juk wa katni.  

Da pynchlur u leh ya ka Department of Education wow booh kyndon ya ki thaw puræ wow yah ya ki khynnah cha kani ka Museum khnang wow tip ki yei mahajon ka jylla.

Heiyatoh wa ka Chief Minister’s Research Fellowship Program, da pyntip u wa da jied ya 50 ngut ki bru chemphang ki wow riñ wow thoh ya i rukom im ki jaitbru ka jylla.

Ha kani ka sngi da wai leh ya ka Web Portal ka Arts & Craft Village kamjooh leh da pynbna ya ki pyrtuid ki bru chemphang kiwa yoh Award wa kynthup ya kini ha wah:

Literary: U Dr. Kynpham Sing Nongkynrih wa ka Janice Pariat

Tribal Museum: U Kyntiewbor War

Tribal Entrepreneurship: Dasumarlin Majaw wa D Kharbuli

Woodcraft: U Gilford Pde

Film Making: U Pradip Kurbah, u Dominic Sangma wa ka Simi Kongthiang

Fashion and lifestyle: Ka Angelia Marwein

Performing Arts: U Steve Jyrwa

Indigenous Cuisine: Mei Ramew Café

Bamboo Craft: U Ricky Kynter wa u Bandap Dewkhaid ka Shillong Bamboo

Da pynlait paidbah leh ya ka kot “A Synthesis of Rhythm & Art” wa thoh ya ki chaad tynre ka Meghalaya wa da pynlang wei pynwandur da ka Sankardev College, Shillong chirup wa ka Department of Arts & Culture.

Sa kawi ka kot wa da pynlait toh ka – “U Spor na Thwei Pyrkhat” wa thoh da u Banjop Leo Gregory Kharmalki wa ka KOT (Khasi Old Testament) da u Raphael Warjri.

At the Tri Hills Ensemble Festival, HCM @SangmaConrad presented awards to Meghalaya’s Arts and Culture Achievers in the field of literature, entrepreneurship, craft, filmmaking, fashion, performing arts and indigenous cuisine. pic.twitter.com/99YPHGFdEU

— CMO Meghalaya (@CMO_Meghalaya) November 21, 2024