Shillong: Ka Clean Shillong website ynne ka sngi da wai yaka da u Chief Secretary ka sorkar jylla u Y. Tsering hei emlang u Addl. Chief Secretary, u Dr. Sreeranjan, u P.W. Ingty, Commissioner & Secretary of Urban Affairs, u F.R. Kharkongor, Senior Tech. Director, NIC u Timothy Dkhar, Director Urban Affairs, u E. Kharmalki, CEO Shillong Municipal Board wa kiwi kiwi de.
Hapoh Shillong katni kiwa pait ya yei pyllang jhep em ki boon tylli ki tnat sorkar kamjooh waki dorbar chnong.
Yow wanrah ya i kreh wa lai bait lai ryntih hapyrdi kini waroh, ka sorkar jylla da chna ko da ka Supervisory Committee kawa khlieh da u Chief Secretary heiwa ki dkhot toh waroh wa emkti wow pait ya i jhep ha Shillong iwa man leh wow bood ya ki hukum kiwa mih na ki yung bichaar.
Kani ka website wa tip kam ka http://cleanshillong.nic.in toh ka wow pynsuk yeini waroh kamjooh leh yaki paidbah wow embynta ki ha kani ka kaam yow ye u pynkhooid ya ka Shillong. Lyngba kani ka Website ki paidbah ye ki u ujor pyrchah kiwa noh jhep khlem akor.
Ka Hackathon 2017 da pyllait paidbah yaka ha kani ka jooh ka yalang kawa tyrwa ya ki paidbah wow wan ki cha khmat deilang wa ki buit yong ki wow pynman ya ka Shillong kawa khooid deiwa pynpsiah pyrtuid ki ha ka Clean Shillong Website wei ki buit wa chah jied kam kiwa jop daw yoh ki T. 50,000, kiwa yoh wa-ar T. 30,000 katwa kiwa yoh wa-le won u yoh ki T. 15,000 kawa daw saam ha ka 2 Naichiphaw uni u snem.
Discussion about this post