Da sdang ya ki ar tylli ki Scheme hapoh WJH wow yarap ya ki kynthai wa punkhon wa ki manyung kiwa ym pu em yoh bordiñ

Jowai: Ka Scheme Subhagaya (Pradhan Mantri Bijli Har Ghar Yojana) waka Intensified Mission Indradhanush (ka e dawai tika (Immunization) ya ki khynnah wa em hapoh 2 snem wa ya ki kynthai wa punkhon) da sdang pynkrehkaam ya ki ynne ka sngi hapoh ka West Jaiñtia Hills District da u Deputy Commissioner In-charge u D.M. Wallang hei emlang u Nodal Officer ka sorkar India wa pait ya kini ki Scheme u Abhijit Bakshi, u Director of Economic Affairs wa u Debashish Haldar, Under Secretary Economic Affairs hei emlang u S.B. Umdor, CEO MeECL wa kiwa kreh u, u Dr. S.S. Nongbri, District Medical and Health Officer wa ki Doctor ka DM& HO kamjooh ki wa kreh ka yungkrehkaam u DC.

“U Blai da e u ha ka kynthai i kyrkhu wow ye ko u kha khon i wym em e ha u chynrang,” da ong u Wallang heipor wa pynbna u wa da sdang ya ka Intensified Mission Indradhanush ynne ka sngi. Da ban joor u wa emkaam wow pynsñiawthooh ya ki manbei manpa khamtam ki kynthai wa punkhon wow lai phah pait ki man ka por ha ki Doctor heipor wa punkhon yow yoh khon da iwa chait wa khiah.

U Wallang leh da kular u wa u e ya i kyrchaan cha ka yung krehkaam u District Medical & Health Officer kamjooh ya ka MeECl wow poi ya ka thong yow yoh myntoi kiwa toh u yoh myntoi wei da kyntu u leh ya kini ki yungkrehkaam wow pynman ya ki yalang pynsñiawthooh paidbah deiwa lai cha kiwa boon ki chnong hadooh wow psiah ha kawi pa kawi ka manyung yow sñiawthooh kammon sñiaw ki paidbah chaphang kini ki Scheme.

Ka scheme Saubhaya kawa da sdang da ka sorkar India toh wow pyntikna wa kitu ki yung wa em cha sor kamjooh cha nongkyndong ki wym pu em yoh bordiñ yow yoh noh ki wei ka mang poisa toh T. 16,320 Klur.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Hapoh kani ka Scheme ka sorkar daw e mynkna yei bai riñ bordiñ cha ki yung kiwa dooh wa duk katkam ka Socio Economic and Caste Census (SECC) 2011. Ki manyung kiwa ym em haap hapoh kani ka SECC ye ki u yoh bordiñ deiwa su T. 500 kawa ye ki u su kajak chisein hapoh 10 bnai.

Da antaad wa kamwa 1000 tylli ki manyung na ki 32 tylli ki chnong na ki 153 tylli ki chong u haap ki hapoh kani ka Scheme da pyntip u S.B. Umdor.