Jowai: Ka esikai wa tip kam ka Career Guidance lyngba ka yungkrehkaam u Deputy Commissioner ka WJH wa haap hapoh ka Chief Minister’s Career Guidance & Counselling Scheme da wai ya ka ha Thomas Jones Synod College Jowai ha kani ka 14 tarik u Kmaichonglad wa pynman da ka Career Guidance and Placement Cell.
Ya kani ka esikai da tip kam ka LEAP Meghalaya heiwa u e sikai mynkna ha waroh ki District ka jylla ya kiwa em nadooh Class 5 hadooh Class 10 deiwa pynman ya ki Youth Camp, Career Camp wa kiwi hajrong ka thong u e mynsien wei u pynku yei sap ki khynroo khyllood neibynta u tyrchaaiñ ka mynried mankawi yong ki.
Daw pynman ya ka LEAP ha Shillong, Tura, Ampati, Jowai, Shangpung, Mawkyrwat wa Nongstoin.
Da wan wow wai ya kani ka e sikai da u Iaidbha Phawa uwa man kam u Research Assistant Planing Branch chirup i emlang kiwa sikai ki khynnah puræ ka Avenues Shillong wa kiwi kiwi.
U Phawa hei klam yong oo kam u kongsan da ong u katwon man i kiwa embhah wow yoh ya kani ka laad ka kabu u yoh i hikai mynkna hapoh ka Chief Minister Scheme wei da e u leh i yaroh hajrong i ye u wanrah ya kam kani ka laad neibynta i roi i paar.
Heijooh i por da kyntu u wow pynemkaam hok yeiwa yoh lyngba kani ka Career Guidance khnang wa chisien ka sngi u ye ki u ku chaphrang hei kaam yong ki.
Neiliang kiwa sikai ka Avenues Shillong hawa e ki yei klam yooluti ki wa waroh kiwa em ha kani ka sngi u man ki kitæ kiwa em haki ka Personal Growth, Personal Development waka Leadership wei u man kam kitæ kiwa yahkhmat.
Heijooh i por leh da pynyoo ki kattu katni ki nongmuna namo ki Demonstration wa kongsan ka Avenues.
Discussion about this post