Ka 15th Inter School Badminton Tournament 2022 wa pynlai daka West Jaiñtia District Badminton Association, Jowai da sdang yaka ynne i step ha Chutwakhu Indoor Sports Hall.
Ha kani ka Inter School Badminton da wan wow chimbynta hadooh kamwa 16 tylli ki skur deiwa phiah haki kyrdan waphær waphær wa kynthup ka Under-13, Under-14 wa Under-17 neibynta ki kynthai wa chynrang.
Chwa u sdang ka yalehke da yoh i klam wai phang wei kyntu kyrsu na u President ka WJDBA, u J.M. Pohsngap uwa da ong kawa kam kani ka lympung yarap ko yaki khynnah heiyatoh i chait i khiah i doh i pran najrong i stat i tip lyngba i puræ puthi wa yoh haki skur, wei man haroh ko ka laad wow yoh ki u yachem lok.
Heijooh i por kyntu haroh u yaki khynnah wow man kiwa tip yei akor salon, u man kiwa lehkhooid wei lehbha leh ha kani ka lympung yalehke.
Yaka yalang ha kani ka sngi da pynlai da u Teddy Laloo, Chairman ka Tournament hei emlang ki dkhot ka WJDBA wa kynthup u General Secretary u M. Nongpluh, u Secretary Tournament u Mebanker Shullai kiwa sikai wa kiwi.
