Jowai: Ka District Task Force on Immunization (DTFI) da pynman ko yaka yachemlang haka 3 tarik uni u bnai yow yaklam ya i eh i khoo wow e dawai tika namo ka Immunization hapoh ka West Jaiñtia Hills District. Da khana leh yaka yurim wa sdang yaka Rota Virus Vaccination (RVV) hapoh ka e dawai tika.
U Garod LSN Dykes, IAS, Deputy Commissioners, West Jaintia Hills District uwa man kam u chongknor ka DTFI da sdang u yaka RVV hapoh District haka yalang wa pynman ha Conference Hall ka yung krehkaam u Deputy Commissioner.
U Rota Virus toh u khniang kjut wa poor bha uwa wanrah yei kjut pynhiar ha ki khynnah wa dang hapoh 5 snem iwa yei u poi chadooh wow dooh yei mynsien. Ka Rota Virus Vaccine (RVV) kawa da sdang u man ko leh kam chi bynta e dawai tika namo ka Routine Immunization Programme.
Ha kani ka sngi da emlang leh District Programme officer (ICDS), District School Education Officer, District Medical & Health Officer, Additional DM&HO, District Immunization Officer, Surveillance Officer deilang wa ki Doctor ki CHC wa PHC.
Discussion about this post